:: موضوع مقرف .. حيااااااكم ::

السلام عليكم

:cheers:

شلونكم اخواني وأخواتي؟ شخباركم؟

المهم.. اليوم انا يايبتلكم سالفة ويمكن تلوع جبدكم .. بس ابي اشوف رايكم فيها..!! وابي اعرف شنو بتسوون لو كنتوا مكاني

من يومين كنت في الجامعة انتظر رفيجتي عشان تخلص محاضراتها الظهر ونرجع البيت

.. المهم ..

دشيت السيارة.. سلمت عليها وكانت معاها بنت خالتها .. إلا تقول لي

أم حمودي.. لازم ترجعين البيت الحين ولا يصير نروح نتغدى؟ حدي حدي يوعانة

قلت لها ايمانوووو تسأليني عن الأكل؟ يللا بسرعة خل نروح نتغدى

إلا تقول لي: عاد ابي مكان على قدنا.. هالشهر انا مفلسة.. <<< اول الشهر والبنية فلست

المهم.. بعد محادثات ومشاورات .. رسينا على شيليز

صلنا شيليز وقعدنا .. إلا اطالع صورة الكيك مولتن جوكليت .. وأقولها

ايمااااااااااااااانووووو ماقدر ماستحمل ابي كيك.. إلا تقول

يصير خير اذا في مكان في بطننا عقب مانخلص الأكل :x

وطلبنا 3أطباق، طبق الستارتر وطبقين رئيسيين والصور تشرح اللي طلبناه

:: موضوع مقرف .. حيااااااكم :: 28749775

عقب ماخلصنا وشبعنا ..

قعدت أتليعب في الأكل اللي باقي ..

إلا أشووووووف شي غريب في قطعة الدياية..

أبطل

وأبطل

وأقصص قطعة الدياية عشان استوعب الشي اللي قاعدة اشوفه

إلا ألاااااااقي

شنو تتوقعون؟؟؟؟؟؟

مب زهيوي لا تخافون

:?:

للحين ماعرفتوا؟؟

انا باقول لكم

حصلت...

شعرة .. !!!!!!!!!!!!!!

اي والله شعرة صغيرة ..!!

والله العالم هاذي رمش ولا شعرة حاجب ولا شنب

لووووووول

أنا هني شهقت ؟.!!!
شنووو ذي وين قاعديييييين؟؟
في كفتريا؟

إلا انادي الفليبيني وأنا مطنقرة ..
أقوله
Do you see what I see?

الفليبيني طلعت عينه ..!!!!!! خذ الصحن وراحدقيقتين وإلا المنيجر مالهم اييني

Madam, we are so sorry 4 that, all the cookers wear gloves and huts, blab bla bal,,,,,,,,,,

وانا اتحلطم واقول

no, I can't belive this

وأمثل عليه ويزعم حدددددي معصبة ومو مصدقة عيني..!! والبنات يعووورون من الضحك

إلا يقول لي

madam, I can bring the same dish, or any dish u wanna order

وانا للحين مصرة على موقفي ان مانبي شي لأن احنا مخلصين اكل .. بس شلوووووون هالغلط يطلع من مطعم مثل شيليز
<<<ترى كله تمثيل لأن كنت متمللة وابي اسوي برنامج .. وإلا انا كلت وشبعت والا مهتمة

الا يقول لي

madam, we are so sorry and plz don't pay for ur lunch,,, and we offer u to have any sweet u want, do u wanna have the molten chocolate?

ربعي هني شوي وينسدحون من الضحك وانا ارفس فيهم تحت الطاولة عشان مايخربون مسرحيتي

إلا اقول له

NO NO plz,,

I can't belive this!!!!

But

Bring tha cake, plz

ومثل ماتشوفون هاذي صورة الكيك .. بس الله لايراويكم الصحن عقب ماخلص .. لأن مااااااااااااااابقى منه شي .. قضيت عليه

الفاتوة كانت بـ21 دينار وشوي ..
بس احنا مادفعنا .. وفوق كل ذي .. كلت الكيك إللي خاطري فيه

وبس

شرايكم باللي صار.. ولو في يوم حصلتوا نفس اللي حصلته شبسوون؟؟

يللا ابي اشوف ردودكم

لوووو ووووو ووووول

حدي ميت من الضحك على الي صار،،،
والله وطلعتي مو هينيه،،،
لا ويوم جفتج تزيدين وتعيدين لما قلتي

اقتباس :

Do you see what I see?

قلت قبل ماكمل الموضوع هاي حركات وحده
شكلها تبي يدفعون لها البيزاااات

الا يقول الفلبيني

اقتباس :

madam, we are so sorry and plz don't pay for ur lunch,,, and we offer u to have any sweet u want, do u wanna have the molten chocolate?

بس تدرين زين الي سويتي
بالنسبه لي ولو كنت بهالموقف
بسوي نفس الي سويتيه وهاي اصلا الي سواه ترى قليل
بالنسبه لمطعم بهالمستوى

على العمووووم
بالعافيه وشكلي بسويها المره اليايه بس
باخذ شعره من رفيجي دام سوق الشعر ماشي
وووو سلميلي على
ايمانوووو

هههههههههههه

اي افا عليك كلش مو هينة .. شاسوي كنت متمللة وأبي اسوي جو شوي
:P

انا اقول لك اذا بتطلع تتغدى في مكان .. برز جمن شعره وادعسهم في الاكل .. وبالهنا والشفا بأكل بو بلاش

تسلم اخوي على مرورك :D

طلعتي مو سهله

الله لو منج جان سويت أكثر

بس الكيكة ذبحتني لاني من زمان ما كليتهاااا

بس المرة الياية قوليلي انج بتروحين عشان ما ادفع

تسلم اخوي محرقي على مرورك .. نورت موضوعي

يمكن شعرة من شعركم او ثيابكم ،، ترى يصير

اما لو انا مكانج جان مادفع قيمة الاكل ولا اشتهي اكل كيكة ولاشي

ههههههههههههههه laugh2

حمدي ربج انها شعره ماطلع لج سيم مال تنظيف الصحون مثل الي صادني yuk

حركااااااات

والله زين طلع الاكل ببلاش

عليكم بالعافيه

والكيكه يااااااااربي تشهي,, والله لو شايفها قبلها شنو اكلها اكلها laugh2